Monday, August 30, 2010

Pak Cricketers Ke Naam

After the anger comes the poetry. Apologies to those who do not know or understand Urdu but abhi taaza taaza arz kiya hai, Mir ki zameen mein...


Faqeerana aaye, kamaa kar chalay
Mian khush raho, hum tau khaa kar chalay

Ye akhbaar waalay ajab loag hain
Jo sara maza kirkira kar chalay

Jo utray thhe maidaan mein dhoom se
Barri shaan se dum daba kar chalay

Kissi ka bhala iss mein jaata hai kya
Agar ik qadam hum barrha kar chalay

Jo hum ne buzargon se seekha tha kal
Wahi daao hum aazmaa kar chalay

Ye spot-fixing barri cheez hai
Jo cricket ki naao duba kar chalay

Faqeerana aaye, kamaa kar chalay
Mian khush raho, hum tau khaa kar chalay 

11 comments:

sabizak said...

Truly brilliant! Qadam barhaanay waala misra tau pure genius hae.

Ahsan said...

wah ji wah, cha gaye ho aap

leenah. said...

Bohat khoob!

Ijazat kay saath ..

Thay naseeb Kamran, ya phir Ejaz e kaptan
qismat nay ki Yawari, jo hum aazma kar chalay

AA said...

Wah, Bohot khoob. Agree with Sabizak.

Enam said...

umda, buhat umda.
ab is hi behr main misra-tarha bhi ho jaye, janab...tu kiya hi baat hai...
silsila jari rehna chahiye...
adaab.

Anonymous said...

wah wah wah!!!! and yes,

"Kissi ka bhala iss mein jaata hai kya
Agar ik qadam hum barrha kar chalay"

is true, true brilliance.

wah.

Anonymous said...

Wah ji wah! Buht achay!!!

Awesome :D

Annie said...

wah. xyz, kia baat hai. lagta hai tumhara bohot dil dukha hai.

Magnum said...

Wah, Mirza Wah. Weisy, bohat afsos hoah Mhd. Amir ka, baqi Butt ka maan ka bonsra.

maaf karna bhai, bohat ghusey mein hoon.

Hutch said...

Kuchh idhar bhi laao ke
PCB ka karobar chale

Mohammed Ali said...

. your blog is amazing, however this piece of poetry would look great in the traditional urdu script. I some how feel we have lost connectivity with our beautiful script. And its not too difficult to use urdu these days